●1 nyied 2 hauh, gicej cam Swcigih Caizcwngdingh ndaej rox, ciuq gyoepsuenq, Gvangjsih gaenq ndaej gij cienzngaenz Cunghyangh caizcwng roengz hawj okcienz sebauj de 621.4 ik maenz（ndawde Cunghyangh soh hawj 599.28 ik maenz）. Gij cienzngaenz neix cawjdaeuz yungh daeuj cunghab gaijgwz yihyen goenglaeb、gaijndei vunzlai gungzhoj gwndaenj daengj.

（Lij Yi）

●Bi’gvaq 12 nyied 26 hauh, Yungzyen 12 aen hanghmoeg caemh ngoenz guhsat, gungh roengz cienzngaenz 51.05 ik maenz, ndawde 9 aen hanghmoeg ngamq haigoeng, gungh roengzcienz 44.6 lai ik maenz.

（Bi Cuhgen）

●1 nyied 1 hauh banhaet, aen hozdung hoihciengz daeuz Gvangjsih ndaw daihhoih daengx guek bimoq bin sang cangqndang bi 2021 de youq Nanzningz Lij Ningz Dijyuzyenz guh, 300 lai boux vunz hawsingz Namzningz camgya hozdung, gyoengqde aeu yindung cangqndang daeuj ciepcoux bimoq.

（Siz Cez）

●Gicej daj aen hoih fatbouh sinhvwnz Ginhcouh yinx vunz roengzcienz bi 2020 de ndaej rox, suenq daengz dangqnaj, Ginhcouh Si yinx ndaej 648.56 ik maenz cienzngaenz; seizneix cingq dox- yaeng guh 600 lai aen hanghmoeg, gungh daihgaiq yaek roengzcienz 5000 ik maenz, neix gya rengz hunghwd hawj aen si neix heij guh hongsaeh“cibseiq haj”.

（Loz Gimeiz）