●12 nyied 18 hauh, youq Gveibingz Si Muzloz Cin, aen canjyezyenz daemjbaengz guh ndangdaenj de banh yizsiz ciem- dingh habdoengz ciuyinx vunz roengz cienzngaenz, dang- ciengz ciem 11 aen hanghmoeg, gungh roengzcienz 107 ik maenz, ndawde ciem 10 aen hanghmoeg guh ndangdaenj haeuj ndaw canjyezyenz neix, bi canjciz daihgaiq 33.6 ik maenz.

（Dangz Cwngfangh）

●12 nyied 23 hauh, gicej cam Nanzningz Si Yanghcunh Cinhingh（Yanghcunh Gensez）Ban ndaej rox, geij bi doxgyawj neix, aen si neix gungh comz caeuq gyonj gak cungj cienz- ngaenz gungh 265 ik maenz bae hwnqguh lajmbanj gyaeundei.

（Gyauz Yaujyingz）

●Geij bi doxgyawj neix, Bwzliuz Si hawj hong hwnqguh aengih guh yiengh nungzyez miz daegsaek seizneix caeuq hong dawzcinj duetgungz doxyungz haeujlaeg, gyarengz doi daegsaek canjnieb“5+2”guh baenaj, baudaengz 1.26 fanh ranzgungz- hoj, ciemq cungjsoq daengz 93.37%.

（Ganh Mungdangz）

●Bineix suenq daengz 12 nyied 20 hauh, Gveigangj Si 1112 aen hingzcwngcunh（suenq segih lajmbanj）cizdij ginghci souhaeuj gyoepsuenq ndaej 1.94 ik maenz. Ndawde Cinzdangz Gih cunh cizdij ginghci souhaeuj gyoepsuenq ndaej 2804.57 fanh maenz, beij bi’gvaq caemh duenh gyalai 58.22%, ndaw gih neix 145 aen cunh cizdij ginghci souhaeuj 5 fanh maenz doxhwnj.

（Dangz Gvei）