Raiz sat cozyez le, gou caeuq daxmeh caez mbiq duh.

Mbiq dwk mbiq dwk, daxmeh riu dwk doiq gou naeuz: “Lwg iqet, mwngz couhdwg naed duh ceiq iq ceiq oiq neix.” Gou ngeizngwd cam daxmeh: “Vih- maz ya?” Daxmeh naeuz: “Mwngz yawj gij duh ndaw faekduh neix, miz hung miz iq, loq hung di couh lumj daeggo mwngz, caiq hung di couhdwg daxboh daxmeh, gij ceiq hung couhdwg daxgoeng daxbuz lo, naed ceiq iq couhdwg mwngz ya! Gyoengqde caezcaez cingjcingj baiz youq ndaw faekduh, couh lumj ranz raeuz ityiengh, ndaetndi’ndi doxgiet youq doxcaez, ciengxlwenx mbouj doxbiek.”

Gou dingq gij vah daxmeh, caiq yawjyawj duh ndaw fwngz cingq mbiq de, lumj roxyiuj lo, gou couhdwg naed duh iq de. Naedduh iq ginggvaq daxmeh daihdeih ganqciengx、daxgoeng daengngoenz raeujrub ciuqgoq、dahcej fwnraemx caemxndang, maj baenz naedduh faghung. Gou hix lumj naedduh iq ityiengh, youq laj daxboh daxmeh gyaezhoh、lauxsae son’gyauq、 daxgoeng daxbuh ndiepgyaez maengh- cangq majhung. (it nienzgaep Cwnz Cwnz)