12 nyied 17 hauh, Hocouh Si Bazbu Gih Swhfazgiz haeuj laeng Vangzdung Yauzcuz Yangh Mbanjsamgiz caeuq gyoengq beixnuengx Yauzcuz doxcaez banh aen hoihdoxlienz hawj minzcuz doxgiet dem aen hozdung lwnhgangj fapceih. Gyoengqde lwnhgangj faplwd hawj gyoengqvunz rox, lumjbaenz fapguek、ra faplwd bangcoh、vwnhyinhfaz、guhhong couhnieb、minzcuz cwngcwz daengj. Gij hozdung neix hawj vunzmbanj gag rox hag fap、souj fap、yungh fap, vih gyamaenh caeuq hwngfat minzcuz gvanhaeh laeb baenz aen giekdaej fapceih ndeimaenh ndeu.

(Liengz Cinvaz Loz Yezhing/梁晋华 罗月杏)