●Geij ngoenz gonq, Gvangjsih guhsat hong faen- boiq 28549 fanh maenz cienz- ngaenz caizcwng cienmonz banggungz（yungh daeuj hwngfat saujsu minzcuz）, gij cienzngaenz neix Cunghyangh daezgonq bued hawj Gvangj- sih guh hong binaj.

(Lij Yenh)

●12 nyied 15 hauh, Nanzningz Si Gyanghnanz Gih banh aenban sonlienh minz- cuz cunghgyau lijlun cwngcwz fazliz fazgveih bi 2020, ndaw gih neix doengh bouxfucwz gak aen cwngzyenz danhvei、gak cin（gaihdau）、gak cunh（segih）de caeuq bouxguhhong gungh 100 lai vunz camgya sonlienh.

（Suh Lungz）

●Gicej 12 nyied 16 hauh cam Nanzningz Haijgvanh ndaej rox, bineix 11 ndwen gaxgonq, gij soq Gvangjsih vaihmou gaicawx de gungh 4308.6 ik maenz, beij bi’gvaq caemhseiz gyalai 1%, beij 10 ndwen gaxgonq lai hwnj 0.6%.

（Gangh Anh）

●Laizbinh Si bineix dajsuenq guhsat gyauhdungh guding swhcanj douzswh 66.1 ik maenz, 1 daengz 11 nyied guhsat 91.96 ik maenz, guhsat yinvu gaxgonq dingh de 139.1%; aenq daengx bi daj- suenq guhsat 100 ik maenz doxhwnj, neix dwg Laizbinh laeb si doxdaeuj bi ceiq lai ndeu.

（Mungz Cinvangz）