12 nyied 16 hauh daengz 18 hauh, Aenhoih Hong Ginghci Cungh- yangh youq Baekging hai. Cunghgung Cunghyangh cungjsuhgi、gozgyah cujsiz、 Cunghyangh Ginhveij cujsiz Siz Ginbingz, Cunghgung Cunghyangh Cwngcwgiz cangzveij、Gozvuyen cungjlij Lij Gwzgyangz, Cunghgung Cunghyangh Cwngcwgiz cangzveij Liz Cansuh、Vangh Yangz、Vangz Huningz、Cau Lozci、Hanz Cwng camgya hai hoih.

Siz Ginbingz youq gwnz hoih gangjvah youqgaenj, cungjgez hong ginghci bi 2020, faencek ginghci dangqnaj, nda hong ginghci bi 2021. Lij Gwzgyangz gangjvah nda hong ok banhfap guhndei hong ginghci binaj, caemhcaiq gangjvah cungjgez baez hoih neix.

Baez hoih neix nyinhnaeuz, youq ndaw lizsij Cungguek moq, bineix dwg bi mbouj lumj bingzciengz dangqmaz. Miz gozci hingzseiq fukcab haenq- rem、diuzrap gaijgwz hwngfat onjdingh ndaw guek naekgwdgwd daegbied deng binghraq bwtndat cungdongj haenq lailai, raeuz youq ciengz gaujsi neix gyau mbawgienj hoizdap hawj lwgminz habhoz、seiqgyaiq cim yawj、ndaej geiq haeuj sawlizsij bae de. Youq ndaw seiqgyaiq, guek raeuz baenz aen ginghcidij dog hawj ginghci ndaej gyalai, sam ciengz ciengq hoj gung de guh ndaej baenzsaeh doek- dingh, gohgi cauhmoq yamq baenaj youh hung youh daih, gaijgwz hailangh dwkbyoengq gij gazlaengz youqgaenj, vunzlai guhgwn guhdaenj miz bauj- cang rengzrwd. Gij baenzsaeh neix ndaej daeuj mbouj ngaih, ginggvaq geijlai hojnanz, dwg gij hongbaenz miz aen Dangjcunghyangh aeu Siz Gin- bingz dungzci guh cehsim de daiqlingx rengzrwd cix guhbaenz, dwg gij hong- baenz youz daengx aendangj daengx bingdoih daengx guek gak cuz lwg- minz doxgiet buekguh cix guhbaenz.

Baez hoih neix ciuheuh, gyoengq dungzci daengx aendangj yaek gaenj- ndaet hopheux aen Dangjcunghyangh aeu Siz Ginbingz dungzci guh cehsim de, caezhoz guhdoih okrengz、haenq- rengz cauhmoq baenaj, aeu baenzsaeh ndeindi ciepcoux laeb dangj 100 hopbi, vih hongsaeh yienghyiengh hwnqguh aenguek sevei cujyi yen- daiva、saedyienh aen loqsiengj Cung- guek Cunghvaz Minzcuz fukhwng hungmbwk de mbouj dingz mbouj duenh haenqrengz buekguh.

（ciuq Sinhvazse）