Cibngeih nyied, rumzbaek ci dwk nit raixcaix, hoeng laeng ndaw ranz duicangj Lingzyinz Yen Cauzlij Yauzcuz Yangh Lanzdaiz Cunh Mbanjsiujmauzbingz, bat feizdong ndeu dawz foengxhuhu. Dangjyenz ganbu ndaw yangh caeuq vunzmbanj angq comz youq gizde, gangj canjnieb hwngfat, lwnh duetgungz fouqmiz. Gyawj geij bi neix doxdaeuj, Lanzdaiz Cunh ndaem miz 250 lai moux hing, bi gai ndaej 300 lai fanh maenz, bang 30 lai hoh ranzgungzhoj onjdingh duetgungz. Linghvaih, Lingzyinz Yen yungh lai cungj hingzsik bae lwnhgangj gij cingsaenz Daih Cibgouj Gaiq Haj Cung Cienzhoih Dangj, banh gij hozdung “duetgungz gyo’mbaiq aencingz dangj, haenqguh hainduj moq”, hawj gyoengqvunz rox cwngcwz、rox gamjaen.

(Vangz Yenzyungz Luz Dingsungh Veiz Senh/黄元荣 陆定松 韦轩)