●12 nyied 10 hauh, Swcigih Dangjveij hai aenhoih densi denva guh hong vuenh gaiq senjgij “song veij” cunh（segih）daengx gih. Baez vuenh gaiq senjgij neix nangqdaengz daengx gih 1.6 fanh aen hingz- cwngcunh（segih）、15.7 fanh cunh（segih）ganbu、110 fanh cunh（segih）dangjyenz、3600 lai fanh vunz ndawsingz lajmbanj, ciuq dajsuenq yaek youq bi 2021 aen geiqdoh daih- it guhsat.

（Vei Hwngz）

●12 nyied 11 hauh, Gvangjsih Ginzcung Yisuzgvanj youq Namzningz guh ginzcung vwnzva hozdung baenz- roix angqhoh laebbaenz 80 bi.

（Ciengj Linz）

●Bineix 1 daengz 11 nyied, Lingzsanh Yen yinxhaeuj 47 aen hanghmoeg ndaw guek rog guek, gijsoq ndaw habdoengz ciem ndei de miz 193.7 ik maenz, yinx ndaej cienz- ngaenz 120.5 ik maenz, beij bi’gvaq caemh seiz gyalai 3.8%, guhsat gij yinvu bineix hainduj dingh 120 ik maenz de 100.4%.

（Loz Gimeiz）

●12 nyied 7 hauh, gicej cam Swcigih Caizcwngdingh ndaej rox, bi 2016 daengz bineix aen geiqdoh daihsam satbyai, daengx gih gyoep- suenq cwngfuj dajcawx 6000.65 ik maenz, beij“cibngeih haj”gyalai 2183.74 ik maenz, gyalai 57.21%; gyoepsuenq mbaetyungh 364.18 ik maenz cienzngaenz caizcwng.

（Couh Hungzmeiz）