Vaiqbanj gangj banggungz、sing fwen haenh aencingz aendangj, gwnz lanzgiuzcangz Mbanjcinzdung sing riu sing angq. 12 nyied 2 hauh, Guekgya Yizminz Gvanjlijgiz Sanghaij Biengenj Cungjcamh caeuq Sanhgyangh Dungcuz Swciyen Fuluz Myauzcuz Yangh Mbanjcinzdung itheij banh aen hozdung “duet mauh gungz engq roengzrengz, gangj vwnzmingz bang hwngfat” ndeu. Gyoengqvunz ciengq gij gohoengz、daj vaiqbanj caeuq guh gij yindung mizyinx haenx, hawj vunzmbanj soengq bae donq ngaiz vwnzva banggungz ndei raeuh ndeu, coenghrengz lajmbanj ndaej hwngfat. Linghvaih, Guekgya Yizminz Gvanjlijgiz Sanghaij Biengenj Cungjcamh lij gien 1081 geu buhbwn dij 50 lai fanh maenz hawj gij hagseng siujyoz Mbanjcinzdung、Mbanjcinzyaz、Mbanjlungzfwn.

(Gunj Yicungh/滚亿忠)