●12 nyied 4 hauh, aen hozdung“buekguh ndei lai——langhbaij cozbinj meijsuz gunggeng duetgungz”youq Gvangjsih Suhvayen Meijsuz- gvanj hainduj langhbaij lo. Baez langhbaij neix yaek guh daengz bimoq 2 nyied 7 hauh; gungh baijok gyawj bak yiengh cozbinj ndei meijsuz、suhfaz youz daengx gih 65 boux canghveh canghsijcih cauh’ok de.

（Cangh Denhyin）

●Bujbwz Yen bi 2016 daengz bi 2020 guh 702 aen hanghmoeg sezsih giekdaej gunggeng duetgungz, guhsat gij hanghmoeg gungh roengz 2.72 ik maenz, 17.6 fanh vunz ndaej leih. Ndawde guh 556 aen hanghmoeg roensuijniz lajmbanj, gungh raez 568 goengleix; guh 48 ga giuz; guh 94 aen hanghmoeg suijli naz; guh 4 aen hanghmoeg lajmbanj gwnraemx ancienz, hawj 2640 vunz mbouj you gwnraemx.

（Maj Gijcungz）

●Ciuq Swcigih Caizcwngdingh gyoepsuenq, daj“cibsam haj”doxdaeuj, gih raeuz yungh ndei gij rengz dazyinx youz Swcigih cienz- ngaenz cienhangh hwngfat lijyouz langh ok de, bi 2016 daengz bi 2020 gungh nda 26.8 ik maenz, haeuj- coengh hwnqguh ndaw gih gij hanghmoeg lijyouz hungmbwk de, baenzsaeh lai raeuh.

（Couh Hungzmeiz）

●Ciuq Nanzfangh Denvangj Gvangjsih Denvangj Gunghswh naeuz, daj Cibbet Daih Aendangj doxdaeuj, Gvangjsih Denvangj Gunghswh gungh roengz 560.3 ik maenz gaij- cauh hwnjmbaek denvangj lajmbanj, ndawde roengz 300.4 ik maenz guh denvangj lajmbanj dieg gungzhoj.

（Danz Cozvwnz）