12 nyied 2 hauh, gicej daj aenhoih fatbouh sinhvwnz Gvangjsih cauhguh minzcuz doxgiet baenaj youz Swcigih Cwngfuj Sinhvwnzban banh de ndaej rox, daj Cibbet Daih Aendangj doxdaeuj, gih raeuz dangq cukmaenh gij eiqsik Cunghvaz Minz- cuz caemh aencingjdaej guh diuz- sienq daeuz, vihliux gyavaiq laeb baenz aenbiengz siujgangh hawj vunzlai lai ndaej leih, doinyoengx hong cauhguh minzcuz doxgiet baenaj bingzciengz cungj guh, gyoengqvunz gak minzcuz lai raen ndaej leih、lai raen vuenyungz、lai raen sim’onj.

Daj Cibbet Daih Aendangj dox- daeuj, Nanzningz Si senq ndaej an mingz heuhguh aen si guhyiengh daengx guek minzcuz doxgiet baenaj; miz 581 aen cizdij caeuq bouxvunz yienghndei daengx guek minzcuz doxgiet baenaj ndaej Gozvuyen haenhndei; 4559 aen cizdij caeuq bouxvunz yienghndei daengx guek minzcuz doxgiet baenaj ndaej Swcigih Dangjveij、Cwngfuj haenh- ndei; okyienh 44 aen danhvei guh- yiengh ndaw gih guhyiengh daengx guek minzcuz doxgiet baenaj, 163 aen danhvei guhyiengh ndaw gih guh- yiengh daengx gih minzcuz doxgiet baenaj; an mingz 9 aen dieggoek son- gyauq daengx guek minzcuz doxgiet baenaj、45 aen dieggoek son’gyauq daengx gih minzcuz doxgiet baenaj.

Geij bi doxgyawj neix, Cungh- yangh caeuq Swcigih gungh nda 27 ik maenh cienzngaenz hwngfat saujsu minzcuz, lai haeujcoengh dieg saujsu minzcuz comzyouq gunggeng duet- gungz; Swcigih roengz 53.26 ik maenz haenqrengz hwng dieg henzguek hawj vunz fouqmiz.

Daj bi 2019 doxdaeuj, gih raeuz guh ndei hong son’gyauq minzcuz doxgiet. Haeujlaeg bae vat ok 300 aen gojgaeq bouxyienghndei laemxsim buekguh minzcuz doxgiet baenaj. Cauhlaeb 10 lai aen fuzvu cunghsinh, guh ndei hong guenjleix fugsaeh bouxriuzdoengh saujsu minzcuz.

（Couh Goh）