●11 nyied 17 hauh, Guek- gya Minzveij ok dunghcih, dingh 20 aen deihfueng guh daihseiq buek“daengx guek aensingz yienghbanj fugsaeh guenjleix vunz riuzdoengh saujsu minzcuz”, Nanzningz Si ndaej hwnj buengj, dwg Gvangjsih aen hawsingz dog ndaej hwnj buengj.

（Veiz Yenzfuz）

●Bineix doxdaeuj, Vanz- gyangh Mauznanzcuz Swciyen gungh banh 5 ciengzbaez yienh- ciengz cauhbinvei, gyawj 100 aen giyez daeuj aeu vunz, ok 9000 lai aen vihhong; vanzlij lwnh vunzlai rox gij saenqsik fanh lai aen vihhong, coengh vunzhong ranz- gungzhoj ndaej gaij guh hong wnq.

（Gingh Yaulinz）

●Daj bineix doxdaeuj, deng binghraq cungdongj, Nanzdanh Yen gag rox haenqrengz guh, hawj moix ranz miz boux ndeu doxhwnj miz hong guh. Suenq daengz 10 nyied daej, aen yienh neix 4233 ranz senj dieg youq de, miz 9884 boux ndaej hong guh, aen yienh neix 1.83 fanh vunz ranzgungzhoj ndaej okrog bae guhhong.

(Liu Ginglingz)

●Daj bi 2016 doxdaeuj, Gveibingz Si youq 151 aen mbanj guh sat roensuijniz caeuq giuz mbanj gaep, caemhcaiq youq doenghgij mbanj mbouj dwg mbanj gungzhoj youh miz 20 ranz doxhwnj de guh roensuijniz, gyoepsuenq guh 5640 diuz roen cunh、mbanj gaep, gungh raez 4096 goengleix, neix couh daj“cunh cunh doeng” roensuijniz bienq baenz“mbanj mbanj doeng” roensuijniz.

（Liuz Cauh）