Boh ha, mwngz guhlawz couh vut gij mbawfaex gou coq youq gwnz gyaqsaw de roengz gwnznamh bae, baet bae lone?

Gou rox, mwngz itdingh yienghneix naeuz: Mbawfaex miz gijmaz ndeiyawj ne?”

Hoeng, bonjsaw gwnz gyaqsaw duh mwngz, youh miz gijmaz ndeiyawj ne? Cihsaw deihyaenyaen, gou youh yawj mbouj rox—— lij beij mbouj ndaej doenghgij mbawfaex duh gou dwggyaez gyaeundei ne, mwngz vihmaz caezcaez cingjcingj coq gij saw neix youq gwnz gyaqsaw ne?

Langhnaeuz gou vut bonjsaw duh mwngz roengz gwnznamh bae, baet bae, mwngz angqfaengz lwi? Boh ha.

（Daj《Bonjsei Sim Lwgnyez》（Veiz Gizlinz raiz）senj okdaeuj, Lwgfwngz- meh/卢奋长 hoiz）