Cunghgoz Minzcuz Yijvwnz Fanhyizgiz Hai Aen Hoih

Canghfanhoiz Saemjdingh Swz Moq Sawcuengh Bi 2020

11 nyied 7 hauh daengz 8 hauh, Aen Hoih Canghfanhoiz Saemjdingh Swz Moq Sawcuengh Bi 2020 Cungh- goz Minzcuz Yijvwnz Fanhyizgiz youq Bwzswz Si hai. Aen hoih neix youz Cunghgoz Minzcuz Yijvwnz Fanhyizgiz guhdaeuz banh, youz Gvangjsih Bwzswz Si Minzcuz Cunghgyau Swvu Veijyenzvei caeuq Gvangjsih Bwzswz Si Saujsu Minzcuz Yijyenz Vwnzsw Yenzgiu Cunghsinh coengh banh. Boux dangjveij suhgi Cunghgoz Minzcuz Yijvwnz Fanhyizgiz Lanz Cigiz、boux gijveij suhgi Lij Yuzlen, boux fucujyin Gvangjsih Bouxcuengh Swcigih Minz- cunghveij Veih Yungjhungz、boux fusicangj Bwzswz Si Lij Lenzcwngz caez daengz aen gaihmusiz neix. Baez hoih neix miz 27 boux lauxhangz daj Guengjsae、Yinznanz、Baekging daengj dieg daeuj.

Youq gwnz gaihmusiz，Cunghgoz Minzcuz Yijvwnz Fanhyizgiz soengq 《Cunghgoz Gungcanjdangj Cangh- cwngz》《Cwngfuj Gunghcoz Baugau》（bi 2020） daengj saw Sawcuengh hawj Bwzswz Si Minzcunghveij.

Gyoengq canghfanhoiz youq gwnz hoih saemjdingh le gij swz faplwd 《Aen Minzfazdenj Cunghvaz Yinzminz Gunghozgoz》, caez naengh doxyaeng baenzlawz gveihfan swz moq Saw- cuengh、 baenzlawz guh ndei gaiq hong fanhoiz raeuz. Baez hoih neix ndeileih gij hong fanhoiz Sawcuengh hwngfat ndaej habngamj.

Baez hoih neix lai baez gangj daengz, gveihfan yungh swz moq dwg hangh hong giekdaej guh hongsaeh vah saw minzcuz ndeu, neix gvendaengz raeuz hag deng caeuq yungh deng cihsaw minzcuz, gvendaengz cungq- vunz saujsu minzcuz cingqdeng roxyiuj caeuq dawzndei gij lohsienq fuengcim cwngcwz Dangj raeuz、faplwd fapgvi guek raeuz, guh ndei hangh hong neix eiqngeih naek lailai. Gyoengq cangh- fanhoiz aeu gaemndaet dawzndei diuz cawjsienq cuk maenh aen eiqsik caezcaemh Cunghvaz Minzcuz, dingj- maenh gij cunghcij vih Dangj caeuq guekgya fugsaeh, vih saujsu minzcuz caeuq dieg minzcuz fugsaeh, aeu gij cwzyinganj caeuq sijmingganj cwngci engq sang bae guhndei hangh hong fanhoiz swz moq, vih “Cunghvaz minz- cuz caen lumj ranz vunz ndeu、caezsim caemh cuk aen loqsiengj Cungguek” lai okrengz.

（Cau Fungh）