11 nyied 6 hauh, aen daihhoih hwngfat gij vwnzva lijyouz Gvangjsih bi 2020 youq liujcouh hai, haeujlaeg bae ciuq gij vah youqgaenj Siz Ginbingz cungjsuhgi gangj baenzlawz guh hong vwnzva caeuq lijyouz de guh daengz daej bae, ciuq gij dajsuenq youz Cibgouj Gaiq Haj Cung Cienzhoih dinghndei de, ciuheuh daengx gih gak baih laemxsim gag saenq bonjfaenh ak、dingj hoj cawz nanz, caiq hawj vwnzva lijyouz hwng- hoengh moq, ok rengz daeuz cengj- daengx gij hongsaeh lai vaiq hwnqguh aen Gvangjsih gyaeujndei、doengzcaez saed- yienh loqsiengj fukhwng. Swcigih daicujsiz Lanz Denhliz daeuj hai hoih caemhcaiq lij gangjvah dem. Swcigih Cwnghez dangjcuj suhgi Sunh Daveij daeuj hai hoih.

“Cibsam haj”doxdaeuj, gih raeuz gij canjnieb vwnzva lijyouz mbouj dingzduenh gyalai gyahung, lijyouz cungj siuyungh daj bi 2015 miz 3254 ik maenz gyalai daengz bi 2019 miz 10241 ik maenz, gijsoq suenq caez ciep hekyouz daj bi 2015 miz 3.41 ik vunzbaez gyalai daengz bi 2019 miz 8.76 ik vunzbaez. Bineix ndwencieng dox- daeuj, bungzdaengz binghraq bwtndat fwt fat, gijsoq gyoepsuenq sam aen geiqdoh gonq ciep hekyouz caeuq lijyouz cungj siuyungh caeuq bi’gvaq caemh duenh doxbeij faenbied dauqfuk 60.9%、56.8%, daegbied youq duenh gyaj gozging caeuq bet cib ngux, daengx gih gungh ciep hekyouz 3255.8 fanh vunzbaez、youq daengx guek ndawde baiz daihroek, neix baijok gij canjnieb vwnzva lijyouz gih raeuz nyangqnyinz caeuq rengzndumj hung baenzmaz bae.

（Dungj Vwnzfungh）