●Bineix 9 ndwen gonq, gih raeuz ndaej yungh 8.3 ik Meijyenz cienzrogguek, beij bi’gvaq caemh duenh gyalai 10.67%, lienzdaemh 17 ndwen cungj gyalai.

（Couh Hungzmeiz）

●Ciuq gyoepsuenq, daj bi 2016 doxdaeuj, Ningzmingz Yen guh 18 aen hanghmoeg hwnqguh roen doeng mbanj, guhbaenz 254.21 goengleix roen, gungh roengz 21068 fanh maenz; guh 614 aen hanghmoeg hwnqguh roen doeng mbanj, guhbaenz 1172.54 goengleix roen, gungh roengz 36454.99 fanh maenz, gaij gij roen lajmbanj lai ndei doxdoeng.

（Luz Dezsanh）

●10 nyied 27 hauh, aen yiz- siz soengq cienz banghag Cwngz- sinh de youq Fangzcwngzgangj Si Fangzcwngz Gih Daihseiq Siujhag gawjbanh. Aen hagdangz neix miz 10 boux hagseng ranzgungzhoj youh doegsaw ndaej ndei de boux ndaej 3000 maenz cienz banghag.

（Vangz Siengz）

●10 nyied 31 hauh banhaet, Bingzgoj Si youq Vwnzva Gungh- yenz guh baenzroix hozdung ngoenz senhconz son’gyauq cauhguh aen si yienghndei daengx guek minzcuz doxgiet baenaj, gungh miz 1000 lai boux daibyauj gak danhvei ndaw si、hagseng、ginzcung daengj daeuj camgya.

（Lij Gyanghlanz）