Bonjbauq siusik（gicej Veiz Yingjcinh） “Cih‘Cungh’ndaw‘Cunghvaz’, mbat bit daengj soh cungqgyang de aeu raiz lai raez di cij ndeiyawj, couh lumj dahsau daenj vaqdangzraez cij hawj ga raen lai raez……” “Mwh doxdongx yaek naeuz‘mwngz ndei’, mwh doxiek yaek naeuz‘baezlaeng raen’, yungh Vahveizvuzwj daeuj gangj couhdwg……”9 nyied 21 hauh lajbyonghngoenz, youq Namzningz Si Hwngzyangz Gaihdau Cunghvaz Cunghlu Segih ndaw funghranz hozdungsiz, 20 lai boux vunz Veizvuzwjcuz、Bouxcuengh、Ginghcuz、Mulaujcuz youq ndaw segih neix youq de, doxcomz giz ndeu, hwnj dangz suhfaz(raiz mauzbiz) caeuq hag Vahbujdungh, gyoengq daihhagseng gagnyienh fugsaeh daj Gvangjsih Minzcuz Dayoz daeuj de nyinhcaen hwnjdangz, lauxsae caeuq hagseng doxlwnz boux cam boux han, sing riu mbouj dingz mbouj duenh.