●9 nyied 10 hauh, Denzlinz Yen hai aen daihhoih ciuheuh vunzlai cauhguh aen yienh yienghndei daengx gih minzcuz doxgiet baenaj, ciuheuh daengx yienh boux- boux caiq guhdoih caezhoz、laemxsim guhhong、comz rengz doinyoengx, bauj ciuq dajsuenq guh baenz hong, haenqrengz hawj daengx yienh minzcuz doxgiet baenaj baenzsaeh moq. Daengx yienh gak baih doxgven gyawj 100 boux camgya hai hoih.

（Dwng Veijsi）

●9 nyied 7 hauh, aen yizsiz ciemdingh caeuq biengj gaiqbaiz“Bwzswz Si Minzcuz Doxgiet Baenaj Yenzgiu Cunghsinh”youq Bwzswz Yozyen gawjhengz, aen cunghsinh neix youz Bwzswz Si Minzcunghveij caeuq Bwzswz Yozyen doxgap cauhlaeb. Gungh miz 50 lai boux camgya, gyoengqde dwg doengh bouxdaeuz Bwzswz Siveij Cujcizbu、Senhconzbu、Cwngfazveij daengj, vanzlij doengh bouxdawzrap doxgven ndaw Bwzswz Yozyen daengj.

（Banz Fuyauz）

●9 nyied 10 hauh banhaet, doengh bouxdaeuz ndaw Bwhaij Siveij Dungj- canbu gyoebbaenz aendoih camnai, daengz Bwzhaij Si Cunghdwngj Cizyez Gisuz Yozyen yawj caeuq nai 26 boux lauxsae siujsoq minzcuz, caemhcaiq angqhoh gyoengq- de gvaq ngoenzciet.

（Suh Cuzsinh）

●9 nyied 10 hauh ban- haet, ngamj doiq ngoenz daih 36 aen ciet lauxsae, Bingzgvei Gihveij Dungjcanbu daengz Sahdenz Cin Sinhminz Cunh guh hozdung hawj minzcuz doxgiet baenaj“haeuj ndaw mbanj”caeuq“haeuj hag- dangz”.

（Moz Gyanghfung）

●9 nyied 10 hauh ban- ringzgvaq, Gvangjsih Minjgvei Douzswh Cizdonz daengz Cingsih Si Sizyen Siujyoz guh hozdung dajciengj son- gyauq bangcoengh son’gyauq, soengq 3 fanh maenz cienz- camnai hawj 60 boux daibyauj lauxsae maenhndei, angqhoh gyoengqde gvaq ciet lauxsae.

（Vangz Gingvwnz）