9 nyied 2 hauh, gih raeuz doengh- boux ndaej Cinmajciengj（dwg yiengh ciengj daihcibngeih gaiq daengx guek cauhraiz siujsoq minzcuz faenzhag） codanzvei de youq Namzningz hai. Gyoengqvunz camgya baez hoih neix hag caez hag ndei gij vah Siz Ginbingz cungjsuhgi gangj hong vwnzva vwnzyi caemhcaiq daj gyaeuj daengz rieng ciuqhengz ndei, caeuq boux ndaej ciengj caemh angq, doxlwnh cauhraiz faenzhag cozbinj gvaqlaeng rox daengz gijmaz, doxyaeng doengzcaez doi- nyoengx gij hongsaeh Gvangjsih cauh- raiz faenzhag cozbinj de mwnhoengh hwngfat. Swcigih Dangjveij cangzveij、Senhconz Bu bucangj Fan Yaujli camgya caemhcaiq gangjvah. Boux ndaej ciengj Banh Hungzyiz、Lij Yozyez、Moz Gingjcunh, Swcigih Vwnzlenz cujsiz Lij Gez caeuq Swcigih Cozhez cujsiz Dunghsih cungj gangjvah.

Fan Yaujli daibyauj Swcigih Dangjveij angqhoh doenghboux cangh- raiz ndaej ciengj. De lai dawznaek naeuz, Swcigih Dangjveij、Cwngfuj haujlai nanz doxdaeuj cungj yawjnaek hwnqguh vwnzva, mbouj dingz mbouj duenh gya rengz haeujcoengh hwnqguh vwnzva. Gvangjsih raeuz cauhraiz faenzhag cozbinj, aeu lai rox gungganq vunzcaiz, hawj aendoih Gvangjsih faenzhag yingjyangj lai hung, gangj ndei gij goj Gvangjsih、goj Cungguek, ok rengz moq ok rengz lailai coengh hwnqguh aen gih minzcuz vwnzva giengzak.

（Gvangjsih Yizbau）