●9 nyied 3 hauh, Yungzsuij Myauzcuz Swciyen dawz gij cihsiz minzcuz doxgiet coq haeuj goqdangz ndaw bansonlienh——fanh boux dangjyenz haeuj dangj- yau, hainduj cauh aen vunqsik dawz gij cihsiz cauhguh minzcuz doxgiet baenaj haeuj ndaw goqdangz sonlienh dangjyenz.

（Cinz Cunghdwz）

●9 nyied 2 hauh, aen hozdung Dunghlanz Yen 2020 nienz“cou cunghgyau ok rengz coengh vunzlai”caeuq ok rengz coengh gunggeng duetgungz de youq ndaw yienh neix Sanhlung Yauzcuz Yangh Sinhdung Cunh heijdaeuz, gungh miz 50 lai boux camgya hozdung, gyoengqde dwg bouxguhhong ndaw Yenveij Dungjcanbu、Minzcunghgiz, gyoengq gan- bu Sinhdung Cunh, boux- suhgi daeuz caeuq boux guh hong banggungz, daengx- cungq boux ganbu bangfuz aen cunh neix, vanzlij mbangj bouxdaibyauj ranz- gungzhoz.

（Veiz Swngyang）

●9 nyied 1 hauh, Ginhcouh Si hai aenhoih minzcuz cunghgyau gunghcoz lingjdauj siujcuj daengx- cungq veiyi, gyonj gangj buenq bi gonq guhbaenz gijmaz hong minzcuz cungh- gyau, nda ndei baenzlawz doinyoengx duenh hong baihlaeng.

（Liu Swjveih）

●9 nyied 4 hauh hainduj, Denzyangz Gih youq giz dieggoek sonlienh minz- bingh de sonlienh doengh- boux bing moq yaek haeuj bingdoih dangbing, yiengh- yiengh cazyawj gyoengqde swhsiengj caeuq ndangdaej baenzlawz yiengh, bauj soengq bouxbing moq hab iugouz caez bae.

（Vangz Gozsun）

●9 nyied 5 hauh, Lozcwngz Mulaujcuz Swciyen youq ndaw yienh Minzcuz Vwnzva Gvangjcangz banh aen yizsiz heijdaeuz youq“aenciet daihcibngeih gaiq Gvangjsih dijyuzcez”guh baenzroix hozdung bouxboux lienhndang.

（Mungz Cwnghswh）