9 nyied 4 hauh, Bwzswz Si Minzyij Cunghsinh youq Singz Bwzswz banh aenban hag《Aen Diuzlaeh Hong Vah Saw Siujsoq Minzcuz Gvangjsih Boux- cuengh Swcigih》（baihlaeng gangj dinj baenz《Diuzlaeh》）. Doengh boux- dawzrap ndaw si 20 aen si gaep danhvei baudaengz Bwzswz Si Faz- gaijveij、Gyauyuzgiz daengj, Bwzswz Si Minzyij Cunghsinh sojmiz ganbu, doengh bouxdawzrap hongsaeh vah saw minzcuz gak yienh（si、gih）daengj doxcomz daeuj aenban neix hag《Diuzlaeh》.

Aenban son hag neix hwnjdangz buenq ngoenz, vihliux lai hengz ndei gij minzcuz cwngcwz caeuq faplwd fapgvi gvendaengz vah saw siujsoq minzcuz aendangj caeuq guekgya de, haenq- rengz hawj daengx si gak gaep ganbu guh hong vah saw siujsoq minzcuz daezsang cwngci、hangznieb suciz, gyaak bonjsaeh guhhong, doinyoengx gak baih doxgven ciuq doenghboux cazyawj vixyinx gaij bae gij vwndiz youz doenghboux cazyawj vixok de, uk lai rox naemjngeix sim lai rox dawznaek, gag rox haenqrengz guh- hong, langh gij rengz vah saw siujsoq minzcuz ok caez bae, coinyoengx minzcuz doxgiet baennaj, hawj dieg henzguek hwnghoengh onjdingh.

（Banz Fuyauz）