8 nyied 30 hauh, dwg ngoenz haihag bauqmingz Nanzdanh Yen Lijhuz Yauzcuz Yangh Vangzsang Siujyoz. Ngoenzneix, doenggvaq Nanzdanh Yen Fulenz dazyinx, gyoengq lingjdauj caeuq yenz- gungh Gvangjsih Yenzcez Douz- swh Cizdonz daeuj daengz aen hagdangz neix, gien buek doxgaiq hagsib yungh he hawj 20 boux lwghag Yauzvaqhau, lij caeuq 20 boux lwghag neix ciem sawhanh, wngqcingz moix aen haggeiz bangcoengh moix boux 500 maenz ngaenz. Linghvaih, aen cizdonz neix lij gien 2 fanh maenz hawj hagdangz guh ngaenzgoek bang- coengh doegsaw. Ciuq cam rox, Vangzsang Siujyoz dwg 2019 nienz guh baenz, dwg aen yienh neix “cien ranz Yauzcai·fanh hoh Yauzyangh” senjdieg banggungz lijyouz haifat boiqdauq laebguh hanghmoeg. Hagdangz seizneix miz 29 aen ban, daih’iek miz 1300 boux lwghag, dwg aen hagdangz hawj gyoengq lwghag ranz gungzhoj Yauzvaqhau youq hagdangz ninzyouq he.

(Fuz Lungzgyangz Cinz Yisenh/符龙强 覃玉先)