●Ndwen 8 ngoenz 26, Baksaek Si Denzyangz Gih Fulenz、Ranzlauxyieng Dangjveij youq diemjsenj- ranz comzyouq banh “Hag Vwnzsiu Cingsaenz, Dem Rengzhoengh Baihndaw” eu fwen cienz ciengq hozdung, hawj gyoengq vunzlai senj- ranz humx dingq, dem’ak saenqsim baenzmiz bongh coh siujgangh.

(Gozsun Gveihoz)

●Mboengqneix, Lungz- swng Veijgyangh Yangh gyawj 500 moux makyungz majbaenz ndaej sou, gyoengq bouxdajndaem doxcaeh roengz reih roengz naz mbaetsou、cangsieng、siugai makyungz, ndaw doenghnaz nyaengqnyat nauhyied. Geij bi neix daeuj, aen yangh neix cawz guh ndei hong ndaem haeux le, lij yinx gisuz moq haeuj mbanj, lai ndaem makyungz、lwgmanh、namz- gva、lauxbaeg gwnz bya daengj fouz goenghaih byaekgve, hawj bouxdaj- ndaem ndaej demsou.

(Swnghbinh Yaujyaz)

●Geij ngoenz gonq, Gunghcwngz Lizmuz Cin heuhcomz 232 boux vunz- hong caeuq ranz gungzhoj dangdieg banh bansonlienh, cingj lauxsae caeuq boux sughangz son’gyauq baenz- lawz guh faenjhaeux Gveilinz、faenj saenaz、gangq mienh- bau daengj dinfwngz, hawj bouxhag hag rox monz dinfwngz cauhnieb ndeu.

(Couh Binjciuh)

●Ndwen 8 ngoenz 26, Hozciz Si Yizcouh Gih doxcomz doenghhong hwnq- guh ndaw gih Dahroek Gingjgih caeuq Huzmaxlingz Gozci Yisuzguz hanghmoeg, song hangh neix gyonjgyoeb roengzngaenz 11 ik maenz. Caj guhbaenz le, ndaej baenz hauhbiu moq cauhmoq hwngfat Liuz Samcej vwnzva, hawj ndaw gih lijyouz binjciz daezswng, rengzrwd doi- doengh lajmbanj hwng- hoengh.

(Lanz Yungj)