Bonjbauq siusik (gicej Vangz Hauyinz) Ndwen 8 ngoenz 26, “Aen- ban Sonlienh Canghraiz Canghhoiz Sawcuengh 《Minzcuz Vwnzyoz》Bi 2020” youq Namzningz haiban, dwg youz Minzcuz Vwnzyoz Cazcise cawj- banh, Gvangjsih Minzcuz Cuzbanjse ciepbanh. Hezvei Canghraiz Cungguek fucujsiz Cinz Gengungh camgya haiban yizsiz caemhcaiq gangjvah. Swcigih Dangjveij nyuenz fusuhgi、Gvangjsih Gveiqhag Yenzgiuvei veicangj Banh Giz, Guekgya Minzveij Cwngcwz Faz- gveih Swh nyuenz swhcangj Mauz Gunghningz, 《Minzcuz Vwnzyoz》 cawjbien Siz Yizningz, Gvangjsih Vwnzlenz dangjcuj cwngzyenz、fucujsiz Siz Caizfuh, Gvangjsih Minzcunghveij dangjcuj cwngzyenz、fucujyin Veih Yungjhungz, Cungguek Minzcuz Yij- vwnz Fanhyizgiz gijveij suhgi Lij Silen daengj bouxdaeuz caeuq bouxhek, nemnangq 40 boux lauxhangz cangh- maeq guh hong cauhraiz、fanhoiz Sawcuengh haenx camgya aen yizsiz haiban.

Gyoengq bouxdaeuz youq mwh gangjvah seiz dwen daengz, ungganq canghraiz canghhoiz Sawcuengh dwg seizdaih hemqheuh caeuq lwgminz yaekaeu, hoenghvuengh hwngfat Saw- cuengh cauhraiz, rengzrwd coicaenh Sawcuengh fanhoiz, vih vunzlai Bouxcuengh daezhawj gij cozbinj caetliengh engq ndei, miz heiq bonjdieg haenx, hawj vunzlai ndaej saedyienh gij gyaepgouz saedceij gyaeundei de. Baez bansonlienh neix ndaej swnhleih banh ndei, ndaej engq laeglwd dwk hengz ndei Siz Ginbingz seizdaih moq Cungguek daegsaek sevei cujyi swh- siengj, hengz saed aendangj caeuq guekgya minzcuz vwnzva fuengcim cwngcwz, doidoengh caeuq coicaenh gij hongsaeh Sawcuengh vwnzyoz cauhraiz fanhoiz hoenghvuengh hwngfat.

Gyoengq bouxhag naeuz, seizneix dwg seizndei hwngfat Sawcuengh cauhraiz caeuq fanhoiz, dou aeu caenhrengz bae gangj vahcoj, aeu vahcoj bae naemjngeix cauhraiz、fanhoiz, aeueiq vahdoj vwnzva, doedok deihfueng daegsaek, hawj aendoih Sawcuengh canghraiz canghhoiz mboujduenh gyahung, coicaenh hong- saeh Sawcuengh cauhraiz caeuq fanhoiz hwngfat baenaj.

Aenban sonlienh gungh banh le 5 ngoenz, Fungz Yi、Vangz Fungyenj、Cangh Yenlingz、Dungh Sih、Vangz Beivaz、Denz Siengh daengj canghraiz canghmaeq mizmingz gonqlaeng lwnh- gangj le gij gingniemh cauhraiz roxnaeuz fanhoiz bonjfaenh, canghraiz Yauzcuz Banh Hungzyiz caeuq cangh- raiz Bouxcuengh Lij Yozyez ngamq dued ndaej Cinmajciengj bineix haenx caemh lwnh le faenh sim’angq caeuq gij gingniemh banjdaeuz vwnzyoz cauhraiz bonjfaenh. Ban sonlienh cix cimdoiq Sawcuengh cauhraiz caeuq fanhoiz yaekaeu de saeqsim nda- nduengq dangzgoq doxgven, Mauz Gunghningz、Gvanh Swgingh、Lanz Ligoz、Mungz Feih daengj canghraiz canghmaeq vih gyoengq bouxhag gangj dangzgoq Sawcuengh cauhraiz、fanhoiz lijlun caeuq banjdaeuz daengj neiyungz lai yiengh, hawj gyoengq bouxhag soundaej lairaeuh.