8 nyied 19 hauh, youq Luzcai Yen Bingzsanh Cin Dayangz Cunh Mbanjvaizhaij, gij giyez gyaez coengh vunz de soengq 5000 maenz cienz banghag hawj bouxhagseng ranzgungzhoj heuhguh Lungz Yih- yinz. Lungz Yihyinz dwg boux- hagseng lij youq Gvangjsih Yisuz Yozyen Cizyez Gisuz Yozyen doegsaw, bineix conhgoh bizyez; de dajsuenq bineix seizcou caiq doeg bwnjgoh. Danhseih ndaw ranz gungzhoj lai, mbouj miz cienz soengq de doeg lai. Youq seiz youqgaenj baenzneix,“aen hozdung Hungzci giyez 2020 nienz coengh hagseng ndaej doegsaw” soengq cienz hawj de ndaej caiq doegsaw roengzbae.

（Lai Genveih）