●8 nyied 20 hauh, Mungzsanh Yen comz ganbu cizgungh gauj gij cihsiz“cauhguh aensingz vwnz- mingz”. Gij daez ndaw gaujsi cungj dwg gij cihsiz giekdaej caeuq gij cihsiz youqgaenj gvendaengz baez genjcaz neix. Daengx yienh gak yanghcin、gak danhvei ganbu cizgungh 5000 lai vunz camgya gaujsi.

（Gvanj Sinh）

●Daj bi’gyai doxdaeuj, Sinhcin Si Lungzgangj Gih roengz 160 lai fanh maenz youq Cingsih Si Nanzboh Yangh Suhliz Cunh hwnqguh gizdieg ciengx mou gyawj 3000 bingzfanghmij 112 aen ranz mou, neix dangq yiengh ginghci vunzlai ndaw cunh, co hawj gij gunghswh ciengx mou, couh hawj yiengh ginghci vunzlai ndaw cunh neix ndaej 8.5 fanh maenz haeuj daeh.

（Hij Cunghliuz）

●Bineix Lozcwngz Mu- laujcuz Swciyen guh ndei hong seizndat seizcou ciu- heuh vunz dangbing, ndawde gungh miz 866 bouxcoz hab nienzgeij bauqmingz, ndawde miz 30 bouxcoz mehmbwk, 306 boux daih- hagseng. Dangqnaj miz 109 bouxcoz youq ndaw yienh genjcaz ndang hab iugouz lo, ndawde 95% dwg bouxcoz siujsoq minzcuz —— bau- daengz Mulaujcuz、Boux- cuengh、Myauzcuz、Yauzcuz、Dungcuz、Veizcuz daengj.

（Lij Gunhdwz）

●Daj bi’gvaq daengz seizneix, Bingzgvei Gih vix- yinx minzyingz giyez okrengz dawzcinj banggungz cunh gungzhoj —— “aen giyez coengh aen cunh ndeu”“lai aen giyez coengh aen cunh ndeu”, doinyoengx 59 aen minzyingz giyez coengh 40 aen cunh dieg minzcuz, ndawde 30 aen minzyingz giyez coengh 6 aen cunh“Dujyauz(nga Yauzcuz ndeu)”; gyonjsuenq gungh guh gvaq 62 aen hanghmoeg banggungz, roengz 2785 fanh maenz, 1.4 fanh vunz ranzgungzhoj ndaej coengh.

（Lij Cuivaz）