“Seizneix ndaej youq henz ranz hag dinfwngz, coglaeng okrog bae ra hong hoz couh lai net lo.”8 nyied 12 hauh, youq Yungzanh Yen Fuzsiz Cin gizdieg vunz ranzgungzhoj senj dieg comzyouq, boux ranzgungzhoj daeuj hag dinfwngz de heuhguh Cinz Dingz baenzneix naeuz. Ngoenz de, Yungzanh Yen Yinzsegiz youq giz neix hai ban son vunz hag dinfwngz raed byoemgyaeuj cang yienghsiengq lumj bien byoem、raed byoem、rad byoem daengj, neix hawj gyoengq vunz ranzgungzhoj miz dinfwngz, ndaej duetgungz lai onj、lai ndei.

（Danz Gaijhingh Vangz Yinz）