●Suenq daengz 8 nyied 14 hauh, Lozcwngz Mulaujcuz Sw- ciyen gungh miz 7000 lai boux ganbu banggungz haeuj ranz bae lwnh vunz ranzgungzhoj rox gij cwngcwz ndaej yiengjsouh de, hawj gyoengqde baenz“boux- roxsoq”; gungh guh 100 lai ciengz hozdung comz vunzlai daeuj lwnh cwngcwz、doxgyau, neix lwnh sojmiz ranzgungzhoj ndaw yienh rox liuxcaez lo.

（Liu Gvanghfuz）

●8 nyied 13 hauh, Lingz- yinz Yen youq ndaw yienh Hingzcwng Cunghsinh hai aen- hoih bi 2020 gyangh bi hong cwngfaz.

（Yangz Caiswh）

●Daj bi’gvaq daengz seiz- neix, Bingzgvei Gih haenqrengz youq Sahdenz Cin Swhdungh Cunh cauhlaeb aen dieggoek minzcuz“caezhoz”, roengz 90 fanh maenz hwnqguh 8 aen“ranzcangj banggungz”siuqnyieb doenghyiengh Yauzcuz、dajsan doenghyiengh faexcuk Yauzcuz daengj, banh 20 lai geiz gak yiengh bansonlienh mbouj aeu cienz lumj son bouxhag siuqnyieb doenghyiengh Yauzcuz、dajsan doenghyiengh faexcuk Yauzcuz daengj, hawj 1500 boux miz hong guh, ndawde 650 boux dwg vunz ranzgungzhoj.

（Lij Suivaz）

●Daj bi neix hainduj guh hong heuh vunz dang bing dox- daeuj, Denzyangz Gih gak gaep dangjveij cwngfuj cungj yawjnaek yiengh hong neix. Gyoebsuenq daengz seizneix, bineix aen gih neix miz 1200 boux vunzcoz nienzgeij hab dangbing de bauq- mingz, gyawj 700 vunz youq yanghcin baez daih’it genjcaz ndang hab iugouz, ndaej bae ndaw gih cungjgenjcan caiq genj- caz.

（Vangz Gozsun）