●Bi neix 1 nyied baihbanh aen hozdung gih raeuz daih’it baez doxdax guh ndangdaenj minzcuz de heuh vunz ndawbiengz bauqsoengq ndangdaenj daeuj doxbeij. Daj seizde doxdaeuj, suenq daengz 8 nyied 7 hauh, gungh sou ndaej 1949 dauq ndangdaenj——youz 470 lai boux lauxcangh guh.

（Dwng Sihyenz）

●8 nyied 7 hauh, youq Lungz- swng Gak Cuz Swciyen Yinzminz Yihyen giz genjcaz ndangvunz, gyoengq bouxcoz hab nienzgeij yaek dangbing de nyaengq genjcaz ndang. Geij ngoenz neix, aen yienh neix ciuq bouhloh guh hong genjcaz ndang bouxcoz hab nienzgeij yaek dangbing; daengx yienh gungh miz 185 bouxcoz genjcaz gvaq.

(Banh Cisiengz)

●8 nyied 5 hauh, Youz Vanz- gyangh Mauznanzcuz Swciyen Gung- geng Duetgungz Cijveih Bu guhdaeuz banh aen hozdung lieb baij gij dozveh youz lauxsae hagseng Mauznanzcuz veh de youq Nanzningz Si Duzsuh- gvanj gawjhengz. Baez neix langhbaij 380 fuk doz hagseng、120 fuk doz lauxsae. Doenghgij dozveh neix baijok dieg Mauznanzcuz gyaeundei、vunz Mauznanzcuz duetgungz liux rox gyo’mbaiq aendangj caeuq guekgya、Guengjdoeng Guengjsae doxcoengh lumj beixnuengx ndei daengj.

（Mungz Hungzsiuh）

●Geij bi neix, Lungzlinz Gak Cuz Swciyen yungh ndei gij cienz- ngaenz hwngfat siujsoq minzcuz, ok rengz liuxlaez guh hong hawj dieg minzcuz gunggeng duetgungz. Bi neix buenq bi gonq gungh roengz 1332 fanh gij cienzngaenz hwngfat siujsoq minzcuz youz cunghyangh、swcigih bued de, aeu daeuj ciengj bouj ranz- gungzhoj guh canjnieb, seizneix fat caez gvaq.

（Cinz Gozyij）