Geij bi neix, Dwzbauj Yen ok seiq aen banhfap hung doinyoengx daengx yienh guh hong vah saw siujsoq minzcuz ndaej yamq maenh baenaj. Aen banhfap daih’it dwg laemxsim doeksaed gij cwngcwz vah saw siujsoq minzcuz youz aendangj caeuq guekgya dingh de. Baez son- lienh daengx yienh ganbu cizgungh, cungj son gyoengqde hag《Aen Diuzlaeh Hong Vah Saw Siujsoq Minzcuz Gvangjsih Bouxcuengh Swcigih》（gangj dinj baenz《Aen Diuzlaeh》）. Aen banhfap daihngeih dwg haenqrengz hawj vah saw siujsoq minzcuz ndaej yungh lai lai. Youq ndaw yienh gvangjbo densidaiz ok《Sinhvwnz Vahcuengh Dwzbauj》daengj lamzmoeg vah saw minzcuz. Caemhseiz lij roengz caengzdaej bae guh hozdung senhconz gij cwngcwz caeuq faplwd fapgvi vah saw siujsoq minzcuz aendangj. Aen banhfap daih- sam dwg yamq maenh haeujlaeg son hagseng duenh yivu gyauyuz hag song vah saw. Suenq daengz seizneix, daengx yienh miz 15 aen hagdangz saedniemh Cuengh Gun song vah saw, 53 aen ban saedniemh Cuengh Gun song vah saw; gungh miz 8931 boux hagseng, 36 boux lauxsae Cuengh Gun song vah saw. Aen banhfap daihseiq dwg gya rengz gamduk genj- caz ndawbiengz yungh Sawcuengh hab mbouj hab gvidingh. Daj hengz《Aen Diuzlaeh》 daengz seizneix, aen yienh neix guhsat gij hong Sawcuengh lajneix: Fanhoiz caeuq guh 206 gaiq baiz danhvei caeuq 204 aen yaenq danhvei, gaij 30 gaiq baiz danhvei、12 aen yaenq danhvei hawj gyoengqde yungh Sawcuengh hab gvidingh.

（Nungz Yungjfang）