7 nyied 30 hauh, aenciet “bet it” laeb bingdoih yaek daengz, Hocouh Si Minzcunghveij daengz giz diegyouq Vujgingj Hocouh Cihdui Ginzvu Baujcang Cunghdui, guh aen hozdung haeuj lenzdui cauhguh minzcuz doxgiet baenaj caeuq camnai bouxbing, hoh gyoengq bouxbing angq gvaq ciet. Youq duenh guh minzcuz doxgiet vwnzdij hozdung, song baih vunz cungj haeujsim haenqrengz doxdax bau aendomq、song vunz daenj haizgieg beij vaiq. Cieplaeng, gyoengqde caeuq daengxcungq guenbing guhdoih diuq fouxfaexsaux, doq diuq doq riu, gij cingz lumj bya caeuq raemx nei caiq gya ndei lo.

（Cau Ginhbinh/赵金宾）