Bi neix 1 nyied doxdaeuj, Cunghyangh、Swcigih、Nanzningz Si sam gaep caizcwng gungh bued 275 fanh gij cienzngaenz hwngfat siujsoq mizncuz hawj Binhyangz Yen. Aen yienh neix aeu gij cienz neix daeuj guh 13 aen hanghmoeg roengz cienz- ngaenz hwngfat siujsoq minzcuz; ndawde 11 aen hanghmoeg dwg youq ndaw cunh siujsoq minzcuz roxnaeuz cunh gungzhoj guh roensuijniz, 2 aen hanghmoeg dwg cauhguh minzcuz doxgiet.

Binhyangz Yenveij Dungjcan Bu（Minzcungh Giz）ciuq dieg naemj- ngeix, daengxbuenz anbaiz, haeuj- sim okrengz guh hanghmoeg dahraix, suenq daengz 7 nyied sat, daengx yienh 13 aen hanghmoeg neix guh- baenz liuxcaez caemhcaiq ndaw yienh niemhsou doenggvaq caez. Neix hawj vunz ndaw cunh siujsoq minzcuz roxnaeuz cunh gungzhoj mbouj you gvaq roen lo, okrengz coengh aen yienh neix gunggeng duetgungz, doinyoengx ginghci hwngfat.

（Lanz Rui）