●7 nyied 30 hauh, Lozcwngz Mulaujcuz Swciyen youq Sinhvaz Suhden banh baez doxdax doeg sei caeuq gangj gojgaeq minzcuz doxgiet, baez neix aeu“Cunghvaz Minzcuz ranz vunz ndeu caezhoz caemh laeb aen loqsiengj Cungguek”guh cawjdaez. Baez hozdung neix youz aen yienh neix Minzcungh Giz guhdaeuz banh.

（Luz Yen）

●7 nyied 29 hauh, Hocouh Si banh aenban（ban guhyiengh si gaep） son’gyauq cienmonz guh ndei hong cunghgyau laj- mbanj, gungh miz 116 bouxhag daeuj ndaw ban neix hag; gyoengqde dwg ndaw si neix gak yienh（gih）doengh bouxlienz- haeh hong dungjcan、cunghgyau ndaw cunh（segih lajmbanj）.

（Cau Ginhbinh）

●7 nyied 29 hauh, Yungzanh Yen Ciuyez Cungh- sinh youq ndaw yienh Cangzanh Cin Ganghsinh Senjdieg Siujgih（aen siujgih vunz senjdieg comzyouq）son vunz hag din- fwngz, son sojmiz boux ranz- gungzhoj lajmbanj guh ndaej hong de hag dinfwngz. Baez sonlienh neix mbouj sou cienz- hag. Dangqnaj aenban daih’it geiz son vunz hai vahgezgih (aenvatnamh) miz 25 boux ndaej hag gvaq.

（Vangz Yinz）

●Bi neix buenq bi gonq, Denzyangz Gih laeb ndei 159 aen“ranz lwgnyez”ndaw cunh、segih, neix couh guhdaengz ndaw gih segih aenaen cunh、 cungj miz“ranz lwgnyez”, youq seizhanh gaxgonq guhsat hong dajsuenq.

（Vangz Gozsun）