7 nyied 14 hauh, Sanhgyangh Dungcuz Swciyen Vwnzva’gvanj hai aenban mbouj soucienz gingciengz sonlienh bi 2020, 50 bouxhag sim’angq doxcomz daeuj ndaw vwnzva’gvanj, gyonj hag baenzlawz ndaek aenbizbaz Dungcuz ciengq gobizbaz Dungcuz. Bineix, Sanhgyangh cauhmoq banhfap swnjcienz feihyiz, ciuq gij guhfap“gag nyienh camgya+banhaemh mbouj soucienz hwnjdangz+bouxhag diemj hag”daengj guh sonlienh baenz gvenq bae; gyoengq bouxhag mbouj yungh bauqmingz, seizlawz daengz couh seizlawz hag dinfwngz feihyiz, lumj golaux Dungcuz、gobizbaz Dungcuz、 boq venz、 boq dig Dungcuz daengj, haenqrengz youq dieg Dungcuz ciengxganq “bouxak” vwnzyi, doek “ceh” vwnzva lailai, baengh vwnzva banggungz, okrengz coengh dieg Dungcuz lai ndei dwkhingz ciengzciengq satlaeng gunggeng duetgungz.

（Gungh Bujgangh/龚普康）