Yauzcuz dwg aen minzcuz deih- deih senj diegyouq ndeu, aen fungsug fwendangz caemh riengz gyoengqde senj daengz gak dieg. Yauzromj dwg aen gyoghongx louz miz fwendangz fungsug youqgaenj ndeu, gyoengqde youq ranghdieg song henz Dah- yougyangh laeng Baksaek Yougyangh Gih caeuq runghlueg diegbya gak yienh(gih) youq. Gij goek fwendangz dwg gij caeqbaiq hozdung boux- cauhseiq Yauzcuz, hoeng geij cien bi roengzdaeuj, de couh bienqbaenz aen fwenhoih guhyoux、baenzgya、guh- angq、ngoenzciet daengj hoengh banh haenx lo.

Fwendangz Yauzcuz Dah- yougyangh faen baenz geij cungj, fwendangz uhdamj、fwendangz laeujdoxaeu、fwendangz ngoenzciet、 fwendangz guh’angq. Fwendangz uhdamj dwg gij fungsug conzdungj gyauyoux, de miz baenz dauq yizsiz: Iuheuh baihde、hoizdap、 doxiek、doxdoiq、uhdamj、youq rogdoengh gwn haeux、haeuj ranz、codangz、gwn haeux、doiq fwen、doxbiek, moix aen hothoh cungj miz fwen yizsiz caeuq de doiqwngq; fwendangz laeujdoxaeu baugvat bouxmoiz bae camyah、laengz bouxmoiz、gaujcam、haeuj ding、habsawmingh、nauh dingdangz、dap- wngq haqsau、nda daiz gyo’mbaiq、ciep soengq bawxmoq、baij daiz、 laex gyo’mbaiq、hoiz laex、nauh ding- dangz、haeuj daiz、danq daiz、soengq hek、doiq dangz daengj laex, moix bouh cungj miz gij fwen yizsiz bae doiqwngq; fwendangz ngoenzciet mbouj miz gij laex dinghmaenh bae haed, hoeng eu gijmaz caemh yaek yawj dwg ciet maz couh eu gijmaz; fwendangz guh’angq cix dwg youq mbwq le couh caeuq geij boux baengzyoux doxrox doxiu daeuj banh, yaek eu gijmaz youz swhgeij gag leh.

“Uhdamj” youh heuhguh “vuj- doh”, eiqsei dwg dwkdomq roxnaeuz bau daehva. Gyoengq lwgmbwk yungh baengzcouz haj saek、maesei haj saek、haeuxgwn haeuxcab bae nyib aen daehman ndeu, caeuq gyoengq lwgmbauq mwngz bau gou ciep, yungh gijneix daeuj cienz cingz soengq eiq, genjleh bouxyoux. Baenz aen baenz aen daehman youq gwnzmbwn mbin bae mbin dauq, lumj duz saidoengz ndeu dawz gyoengq bouxcoz song mbiengj doxciep hwnjdaeuj nei.

Fwendangz dwg gaiqdap cienz- ciep gij fwen、lijyiz、fungsug Yauzcuz haenx, gig miz gij dijbauj vwnzva youqgaenj de. Bi 2010, fungsug fwendangz Yauzcuz Dahyougyangh ndaej senj haeuj buek daihsam swcigih gaep feihvuzciz vwnzva yizcanj mingzloeg.