●7 nyied 9 hauh lajbyonghngoenz, Lozyez Yen aeu densi denva hai aen hoih heuh vunzlai cauhguh aen yienh yienghndei daengx gih minzcuz doxgiet baenaj. Baez hoih neix dinghndei daengz 2022 nienz cauh baenz aen yienh yiengh- ndei daengx gih minzcuz doxgiet baenaj.

（Luz Mungdauz）

●Youq mwh guh canjnieb banggungz bungzdaengz yungyiemj, Yungzsuij Myauzcuz Sw- ciyen netsaed guh ndei hong fuengzre, bauj hawj canjnieb banggungz laeb- daeb onjndei hwngfat, gyalai souhaeuj. Bineix, daengx yienh miz 27628 ranzgungzhoj hwngfat daegsaek canjnieb, neix suenq miz 95.6% ranz- gungzhoj cungj miz canj- nieb banggungz.

（Liu Swjyenh）

●7 nyied 8 hauh banhaemh, Bwzhaij Si youq aen cunh yiengh- ndei daengx guek minz- cuz doxgiet baenaj——Yinzhaij Gih Bingzyangz Cin Dunghsanh Cunh banh ciengz vanjvei ndeu, heuhguh“Bwzhaij Si minzcuz doxgiet baenaj senhconz gyauyuz vwnzyi comz yienj caeuq cauhguh minzcuz doxgiet baenaj‘roek haeuj’ndawde haeuj lajmbanj”.

（Cuh Cwzhau）

●Geij ngoenz gonq, Bingzgvei Gih aen’gvanj baijok gwngwn daenj- daenj Dujyauz(nga Yauz- cuz ndeu) ndaej yungh, mbouj sou cienz hai hawj vunz ndawbiengz yawj. Aen’gvanj neix youq Sahdenz Cin Swhdungh Cunh——dieg Dujyauz comzyouq, ciemq dieg 300 bingzfanghmij, ndaw gvanj baijok 150 lai gienh doenghyiengh gwndaenj vunz Dujyauz, baudaengz doxgaiq gwnz gyaeuj、ndangdaenj hung、dajsiuq、 aenmuh daengj.

（Lij Cuivaz）