Ndwen 7 ngoenz 2, youq Lozcwngz Mulaujcuz Swciyen Daihngeih Siujyoz banh habciengq hozdung， hainduj aen yienh neix bi 2020《Saekhoengz Cienzgeiz》haeuj hagdangz haehlied hozdung，dazyinx lauxsae hagseng geiqloeg gij lizsij saekhoengz、 gyaepra gij rizdin saekhoengz、 cienzciep gij gihyinh saekhoengz、 hungzyangz gwzming cingsaenz. 《Saekhoengz Cienzgeiz》dwg bouh lizsij giluzben saekhoengz Gvangjsih ndeu， gangj vunz Gungguek Gungcanjdangj youq Gvangjsih louz roengz gij yaenq saekhoengz haenx, langhbaij gij cingsaenz binjciz、 lijsiengj saenqniemh caeuq cungcig saenqyiengj vunz Cungguek Gungcanjdangj.(Lij Dwzgunh/吕德坤)