Bineix buenq bi gonq, Dwzbauj Yen dingjmaenh“song fwngz gaem, song fwngz maenh”guh ndei hong minzcuz cunghgyau caeuq hong fuengzgaemh binghraq, guhbaenz haujlai hong、yienghyiengh lwenqda, roengz giek maenhsaed ndei guhsat hongq daengx bi.

Gaenxmaenx ceng’aeu doenghgij cienzngaenz hwngfat siujsoq minzcuz coengh gij cunh gungzhoj gej hojnanz. Bineix, ceng’aeu ndaej Cunghyangh daih’it buek cienzngaenz hwngfat siuj- soq minzcuz 828 fanh maenz, coengh 5 aen yanghcin 7 aen cunh gungzhoj 13 aen mbanj 13047 vunz gungzhoj gej doenghgij hojnanz neix: Cunh cizdij ginghci canjnieb hanghmoeg、dwk raemx coq reihnaz caeuq daihloh gyaudoeng daengj.

Netsaed doinyoengx hong cauhguh aen yienh daengx guek minzcuz doxgiet cinbu sifan. Nda 23 aen danhveih mbeguh gij hozdung cauhguh minzcuz doxgiet cinbu “roek haeuj”.

Haenqrengz youq gizdieg guh cunghgyau fuengzgaemh binghraq. Nda vunz haeuj daengz daengx yienh 19 giz ranz Gihduzgyau caeuq 17 giz dieg guh saenqyiengj ndawbiengz, mbeguh gam- duk genjcaz 130 vunzbaez, diep 200 lai diuz vahbyauhyij; heuhcoi daengx yienh doenghboux cunghgyau gien 23500 maenz.（Nungz Yungjfang）