Ngux nyied co’ngux yaek daengz lo. Yungzsuij Myauzcuz Swciyen Yungzsuij Cin Suijdungh Cunh caez duk aen haeuxfaengx hung 588 gaen ndeu, aeu fwnz cawj 24 diemj cung cij cug, faen hawj beksingq、 hekyouz gwn, caez geiqniemh Gih Yenz. Aen faengx hungloet neix, gij liuh ndawde cienzbouh daj ndaw lueg Yungzsuij genj okdaeuj, yungh mbawfaengx 50 gaen、 haeuxcid 60 gaen、 maklaeq 50 gaen、 duhheu 28 gaen，lij yungh gaeqdoj、 bitdoj、 gyaeuj vaiz、 nohmou、 gyaeqhenj hamz daengj, duk aen faengx neix yungh bae 2 diem lai cung. Saefouh naeuz, aen faengx neix seizneix dwg Gvangjsih aen faengx ceiq hung haenx.

（Liu Swjyenh/廖子渊）