Seizneix, Cunghvaz Yinzminz Gunghozgoz Nungzyez Nungzcunh Bu fatbouh daih 290 hauh gunghgau, Vanzgyangh haeuxcidhom ndaej daengz Cunghvaz Yinzminz Gunghozgoz nungzcanjbinj deihleix biugeiq daenghgeiq cwngsuh, ndaej lied haeuj aen hangzlied baujhoh gij deihleix geiqhauh nungzcanjbinj guek raeuz bae. Neix dwg cawz Vanzgyangh makbug simhoengz、 Vanzgyangh haeuxsuenhom Vanzgyangh makmoizheu, youh miz daegsaek nungzcanjbinj aeundaej guekgya nungzcanjbinj deihleix geiqhauh canjbinj yiengh miznaj neix. Daengz ndwen 4 ngoenz 30, Vanzgyangh gungh ndaej daengz “sam binj it biu” nyinhcingq caemhcaiq youq ndaw geizhanh mizyauq haenx miz 28 aen nungzcanjbinj.

(Couh Liz/邹 立 Hoz Suilingz/何瑞玲)