●Ndwen 6 ngoenz 9， Bingznanz Yenveij Dungjcanbu、 Minzcungh- giz、 Yen Yihliuz Baujcang Giz heuh yen Yinzminz Yihyen、 yen Nungzcunh Sinyung Lenzse、 Majlen Yauzcuz Yangh Cwngfuj daengj danhvei, haeujlaeg guh gij hozdung hawj gyoengq vunz hojnanz siujsoq minzcuz soengq canghyw bae yw bingh raeuj sim.

(Goz Yungjcungh)

●Duenhneix, Dwz- bauj Yen Leihyungh “Aijmajyinz” vangjloz bingzdaiz hailaeb bang- gungz cwngcwz gaijdoeg baenzroix Vahcuengh cig- boq cietmoeg, yungh Vah- cuengh dangdieg senh- conz banggungz cwngcwz, hingzsik moq、 cingzyauq ndei, ganbu beksingq cungj gig angqcoux caeuq haenhndei.

(Nungz Yungjfang)

●Vihliux doicaenh “song vah song yiengq” bang duetgungz gunggeng hozdung engq haeujlaeg bae guh, ndwen 6 ngoenz 4, Liujcouh Si ciuhai aen hoih “song vah song yiengq” bang duetgungz gunggeng, gwnz hoih, Liujcouh Si Minzcunghveij veibau aen hozdung neix guh ndaej baenzlawz yiengh, caemhcaiq doiq gij hong baezlaeng daezok genyi.

(Yenz Cunzyinh)

●Ndwen 6 ngoenz 10, vunz guhhong ndaw Ningzmingz Yen Gijveij、 Cwngfazveij、 Minzcwnggiz daengj danhvei gapbaenz lienzhab ciepcam gungh- cozcuj, daengz Swlang Yangh Swhlingz Cunh guh banggungz “daih ciepcam” hozdung. Ngoenz haenx gungh ciepdaih beksingq 18 vunz, souhleix beksingq vwndiz 28 diuz, fat gak loih senhconz swhliu 50 lai faenh.

(Luz Dezsanh)