“Byasoemj neix dou louz ndaej sam bi lo， gaen 45 maenz， gai ndaej riengjret！” Ranzgungzhoj Gyaj Cuzyingh itmienh gai bya itmienh gangj， de daj Sanhgyangh Dungcuz Swciyen Fuluz Myauzcuz Yangh Dasun Cunh daeuj. Ndwen 6 ngoenz 6, Sanhgyangh bi 2020 siufeiq banggungz caeuq gij huqdoj aen mbanj gungzhoj canjsiuhvei youq Dohyeh Gvangjcangz gawjhengz, 15 aen yanghcin Dungcuz cungj miz danhvei daeuj baijdan，gyoengq beksingq doxcanj daeuj cawx haeuxcid、 mbawcaz、 gaeqdoj bitdoj、 byasoemj bitsoemj. Bi 2020 dwg bi Sanhgyangh daengx yienh duetgungz ndeu， banh hozdung gai huqdoj bonjdieg neix， bang mbanj gungzhoj soh ndaej gai gak yiengh huqdoj、 dap aen bingzdaiz doxyaeng，hawj huqdoj bonjdieg ndaej gai okbae.

(Gunj Yicungh/滚亿忠 Veiz Yizginz/韦日勤)