Ndwen 6 ngoenz 5 doengxhaemh, aen ban Bingzgoj Si daihngeih geiz goeng’ik sonhag Sawcuengh Fwencuengh hwnjdangz lo, 48 boux hagseng daj ndaw si gak hangznieb daeuj ndaw dangz hagsib. Aen ban Bingzgoj Si daihngeih geiz goeng’ik sonhag Sawcuengh Fwencuengh dingh youq bi 2020 ndwen 1 ngoenz 18 haiban, hoeng, aenvih fat binghraq bwtndat, itcig mbouj ndaej haigoq, seizneix daengx guek binghraq menhmenh hoizsoeng, gyoengq hagseng gig siengj haigoq. Sonhag cungsim lai dingq yigen, mizgven bouhmonz doengzeiq haigoq. Haigoq le, gyoengq hagseng yaek youq 6 nyied daengz 9 nyied geizgan hag sing、 yinh、 diuh Sawcuengh caeuq coenzvah、 fanhoiz、 govwnz Sawcuengh daengj cihsiz.

(Dwngz Dwngz/滕 腾)