●Duenh neix, Bingzgoj Si doq guh ndei hong fuengzgaem binghraq, doq guh ndei hong duetgungz gunggeng, doq dauq haihong. Daengz seizneix, daengx si miz 57 aen“cehgenh bang- gungz”dauq haihong lo, gungh 5000 lai boux meh- mbwk caeuq vunz gungzhoj dangdieg ndaej youq gyawj ranz guhhong.

(Vangz Ginhyuz)

●6 nyied 4 hauh,Yungzanh Yen Banjgyauz Yangh Gujdenz Cunh guh aen yizsiz cuengq ciengx duzsaenaz din, gyoengq vunz ndaw mbanj caeuq boux- ganbu bangfuz cuengq duz- saenaz din roengz ndaw daemzsae bae. Dangqnaj, aen cunh neix aeu 300 lai moux daemzsae ciengx duzsae, aen yangh neix gungh miz 1000 moux doxhwnj; moix moux ndaej cienz 4000 maenz doxhwnj.

(Danz Gaijhingh)

●Daj dauq haihong doxdaeuj, Lingzyinz Yen aeu gij banhfap miz yungh de bae doinyoengx vunzhong gungz- hoj ndaej hong guh; cujciz hojceh cienmonz 3 buekbaez、banci cienmonz 46 gyaqbaez,“giz doiq giz”soengq 1137 boux nungzminzgungh ok rog guhhong. Dangqnaj, aen yienh neix 3.78 fanh vunz- hong gungzhoj dauq haihong caez, vunzhong lajmbanj rom hwnjdaeuj suenq miz 7.96 fanh vunz ndaej hong guh.

(Lij Sunvaz)

●6 nyied 3 hauh, Ginhcouh Si Dungjcanbu guh aen yizsiz venj baiz Ginh- couh Si Minzcuz Cunghgyau Swvu Fugsaeh Cungsim.

(Liu Swjveih)

●6 nyied 2 hauh, Yensanh Gih hai aen hoih sonlienh guh hongsaeh cungh- gyau cwngcwz fazgveih, ndaw gih gungh miz 120 boux lingjdauj ganbu caeuq boux- wnq daengj cungj doxgven haenx camgya.

(Gauh Veijgvangh)