●Ndwen 5 ngoenz 29, Sanh- gyangh Dungcuz Swciyen Gujyiz Cin Gyanghconh Siujyoz gawjhengz bi 2020 angqhoh“roek it” caeuq “gyo’aen dangj, haenh guekcoj”, cienzbouh lauxsae caeuq boux cawjranz daiqbiuj camgya sausenhduiyenz moq haeuj doih yizsiz caeuq youzyenz hozdung.

（Gungh Bujgangh）

●Ndwen 5 ngoenz 29, Hocouh Si Bazbu Gih gawjhengz siufeiq bang- gungz nungzcanjbinj canjsiuhvei. Canjsiuhvei yungh gij nungzcanjbinj miz dangdieg daegsaek haenx guh giekdaej, vih duetgungz gunggeng swnghcanj dieggoek caeuq nungzhoh nungzcanjbinj dapgiuz, hailangh haw- ciengz.

（Liu Cujbingz）

●Ndwen 5 ngoenz 29, Baksaek Si Denzyangz Gih youq Baeuqroxdoh Vwnzva Gvangjcangz gawjbanh bi 2020 “gien lwed gouq vunz·soengq simgyaez” goeng’ik hozdung， ndaej daengz daengx gih gak danhvei caeuq sevei gak gyaiq doxcaez hanhaemq, gungh miz 200 lai boux ganbu ginzcung doxcanj baizdoih gien lwed, cungj gien lwed soqliengh dabdaengz 68500 hauzswngh.

（Vangz Gozsun）

●Ndwen 5 ngoenz 28, Loz- cwngz Mulaujcuz Swciyen fulenz “saenqhwng lajmbanj·mehmbwk densangh” beizyinbanh haiban. Meh- mbwk gungzhoj dangdieg caeuq meh- mbwk louzsouj、 gyoengq mehmbwk dauqma mbanjranz cauhnieb haenx gungh 50 boux camgya beizyin.

（Liu Gvanghfuz）