Mboengqneix, Swcigih Cungh- gyau Donzdij Fugsaeh Cungsim、 Gvangjsih Minzcuz Bause heuhcomz daengxcungq ganbu nyinhcaen hagsib gvancez gij cijsi cingsaenz youqgaenj Siz Ginbingz cungjsuhgi doiq Mauz- nanzcuz saedyienh baenz aen minz- cuz duetgungz, caemhcaiq giethab guhhong saedsaeh doxyaeng daezok gij banhfap bouh laeng bae hagsib gvancez doeksaed.

Swcigih Cunghgyau Donzdij Fug- saeh Cungsim daezok sam hangh banhfap. Daih’it dwg dawz hagsib gvancez doeksaed gij cijsi cingsaenz youqgaenj Siz Ginbingz cungjsuhgi dangguh gij cwngci yinvu ceiq youqgaenj dangqnaj caeuq baezlaeng aen seizgeiz ndeu； daihngeih dwg lai guh hagsib senhconz hozdung, doenggvaq lai cungj hingzsik, yiengq gij vunz cunghgyaugai gih raeuz caeuq gyoengqvunz saenq gyauq haenx gvangqlangh senhconz gij cijsi cingsaenz youqgaenj Siz Gin- bingz cungjsuhgi, hawj cingsaenz haeujlaeg sim vunz; daihsam dwg gaenxmaenx bang gij hong duetgungz gunggeng, gyamaenh gij cwngzgoj duetgungz, gaenxmaenx dazyinx cunghgyaugai camgya gij hong duetgungz gunggeng, vih saedbauj gih raeuz caeuq daengx guek itheij cienzmienh hwnqbaenz aen biengz siujgangh guh ok cizgiz gungyen.

Gvangjsih Minzcuz Bause daez- ok, daengxcungq dungzci aeu seizseiz gvansim yawjnaek gij seizsaeh hung- naek guekgya, baujciz sinhvwnz singjgaeh, cungfaen yungh veizsin gunghcunghau、 doujyinh、 vangjcan、 bauqceij daengj senhconz bingzdaiz, lai fuengsik、 lai fuengmienh daihlig senhconz Siz Ginbingz cungjsuhgi doiq Mauznanzcuz saedyienh baenz aen minzcuz duetgungz guh ok gij cijsi cingsaenz youqgaenj de caeuq daengx guek song hoih haehlied baudauj, vih coicaenh minzcuz doxgiet, cukmaenh gij yisiz Cunghvaz minzcuz gungdungzdij cauh ok yizlun heiqfaenh ndei.

（Veiz Gozsenh Veiz Yingjcinh Maj Veiyungz）