5 nyied 22 hauh, aen yizsiz daihsam gaiq ciemdingh canghraiz Sawcuengh youq Nanzningz gawj- hengz, cawjbanh danhvei Gvangj- sih Minzcuz Bause caeuq 6 boux canghraiz Sawcuengh ciemdingh bi hab’iek ndeu.

Gvangjsih Minzcuz Bause daj bi 2018 haidaeuz caeuq canghraiz Sawcuengh ciem hab- doengz, moix bi ciem baez ndeu，vunqsik lingzdoengh, iucingj canghraiz ciemiek yungh Saw- cuengh sij sawfaenz caemhcaiq doekdingh sawfaenz soqliengh. Daih’it、 daihngeih gaiq moix gaiq faenbied caeuq 5 boux canghraiz ciemdingh habdoengz, youq 《Gvangjsih Minzcuz Bau》 (banj Sawcuengh) 103 geiz gungh 103 aen conhbanj daengh cozbinj Sawcuengh nyuenzcauh. 6 boux canghraiz caux ok buek cozbinj miz Bouxcuengh daegsaek ndeu. Bi 2020, Gvangjsih Minzcuz Bause caeuq Yiz Ciz、 Cungh Hihcwngh、 Yinj Fuzgen、 Lingz Siuyangh、 Danz Hijvah、 Luz Vanjcinh 6 boux canghraiz Saw- cuengh ciem bi hab’iek ndeu.

Gvangjsih Minzcuz Bause secangj Veiz Sangyungz naeuz, Gvangjsih Minzcuz Bause dap hwnj aen bingzdaiz ndeu hawj canghraiz Sawcuengh baij dungx- caiz okdaeuj, maqmuengh 6 boux canghraiz Sawcuengh gaemdawz seizndei, gikfat yiedcingz, cauh ok sawfaenz Sawcuengh ndei, cauh ok sawfaenz yingjyangj gvangq- langh、 yinx sevei gvansim.

(Moz Beibei）