5 nyied 19 hauh daengz 22 hauh, Swcigih Minzcunghveij Yangz Gij- byauh fucujyin daiq vunz bae Bak- saek Si Lozyez Yen caeuq Lungzlinz Gak Cuz Swciyen diuyenz gij hong sawqdiemj saenqhwng lajmbanj, daegbied cam rox cingcuj gij hong minzcuz lajmbanj saenqhwng sawq- diemj、 minzcuz vunznoix cienzngaenz hwngfat hanghmoeg hwnqguh caeuq minzmou minzbinj giyez.

Diuhyenzcuj laebdaeb daengz gak diemj saeddieg diuyenz, cam rox cingcuj minzmou minzbinj giyez swnghcanj ginghyingz cingzgvang、 minzcuz vunznoix cienzngaenz hwng- fat hanghmoeg hengzguh cingzgvang caeuq hong minzcuz lajmbanj saenq- hwng sawqdiemj cingzgvang, haengj- dingh cingzyauq, caemhcaiq dazyinx gij hong ngoenzlaeng.

Diuhyenzcuj youq diuyenz minz- cuz vunznoix cienzngaenz hwngfat hanghmoeg doengzseiz daezok yaek leihyungh gijndei, gyarengz haeuj- coengh doengh giz dieg minzcuz vunznoix gungzhoj haenx hwngfat, gaijndei gij swnghcanj swnghhoz diuzgienh minzcuz vunznoix; diuyenz gij sawqdiemj saenqhwng minzcuz lajmbanj seiz daezok, yaek dawz gij hong sawqdiemj saenqhwng minzcuz lajmbanj caeuq duetgungz gunggeng gaenjmaed giethab; youq mwh diuyenz minzmou minzbinj giyez daezok, aeu yungh ndei gij youhvei cwngcwz, coicaenh giyez hwngfat, daiqdoengh vunzlai minzcuz vunznoix duet gungz bienq fouq.

(Vuj Cunghgoz)