5 nyied 11 hauh daengz 14 hauh, Swcigih Minzcunghveij Dangjcuj fusuhgi、 fucujyin Lij Cinlinz daiq doih daengz Liujcouh Si diuyenz gij hong minzcuz doxgiet cinbu cauhlaeb, haeujlaeg rox cingcuj gij hong guh ndaej baenzlawz yiengh, dingq gih- cwngz gak cuz ganbu vunzlai yigen genyi.

Diuhyenzcuj caez bae daengz Sanhgyangh Dungcuz Bozvuzgvanj、 Sanhgyangh Minzcuz Sizyen Yozyau、 Sanhgyangh Linzhih Cin daengj dieg, diuyenz Liujcouh Si gij hong minzcuz doxgiet cinbu cauhlaeb. Byaij daengz gizlawz, diuhyenzcuj doenggvaq saed- dieg cazyawj dangjan caizliu、 dingq veibau caeuq cazyawj guhhong daengj, doiq Liujcouh Si guh gij hong minzcuz doxgiet cinbu cauhlaeb rox ndaej engq cingcuj, hix doiq Liujcouh gij hong minzcuz doxgiet bouhlaeng daezok yigen genyi.

Lij Cinlinz naeuz, Liujcouh Siveij、 Si Cwngfuj gig yawjnaek gij hong cauhlaeb minzcuz doxgiet cinbu, diemj guhyiengh cingzyauq yienhda, youq daengx gih hong cauhlaeb laeb baenz yienghndei. Maqmuengh Liuj- couh Si nyinhcaen cungjgez ging- niemh, gyamaenh gij cwngzgoj aeu- ndaej haenx, caepmaenh gij nyinhrox caemh aen Cunghvaz minzcuz ndeu, doidoengh Liujcouh gij hong minzcuz doxgiet cinbu cauhlaeb caiq hwnj mbaek moq, cauhlaeb aen si guh- yiengh minzcuz doxgiet cinbu daengx guek.

(Suh Gwzcinh Cinz Conhvaz Lungz Vwnz Vuz Veiliuz)