Faenjhaeux Binhyangz youq Ciuzbwzsung duenh Vangzyou couh miz, daengz seizneix gaenq miz baenz cien bi nanz; faenj- soemj Binhyangz dwg ciep gij dinfwngz guh faenjhaeux Binh- yangz le gaijbienq caeuq cauh- moq guhbaenz, daihgaiq youq Ciuzmingzcauz raen miz, daengz seizneix hix miz 600 lai bi nanz lo.

Gij hong caeuq mbaek guh faenjsoemj Binhyangz haenx beij guh faenjhaeux wnq lai lai. Ndawde gij daeuz miz sam mbaek. Mbaek daih’it dwg muh haeux caeuq naengj faenj. Yaek senj aeu gij haeuxsan haeuxlaeng, ceh ndaej 24 aen cungdaeuz caemhcaiq swiqseuq. Muh haeuxsan ceh ndei yaek aeu muhrin daeuj muh, raemxhaeux yaek caem daih giengh 7 ngoenz, daih giengh seiz yaek ciuq mbwn ndatnit mbouj doxdoengz couh mbouj dinghseiz lawh raemx. Naengj raemxhaeux yaek yungh aen fap coq buenzdak hung naengj, naengj diuz ndeu cug le couh daeb diuz ndeu caemhcaiq cat caengz youzduh ndeu. Mbaek daihngeih dwg guh liuhboiq. Byaekboiq miz nohgangq、naeng- nohcaq、 nohvaiz caq、saejlab caq、duhnamh roxnaeuz duhhenj caq caemhcaiq lij miz lwgbieng ndip iep dem. Mbaek daihsam dwg cawj raemxciengq、guh raemx dangzmeiq. Aeu naeng- makgam sauj、batgak、coenghom daengj cib lai cungj liuhhom coq ndaw daehbaengzsa bae, gya raemx、gyu、hauzyouz、veicingh daengj gya raeuj cawj baenz raemxciengq. Caiq aeu dangz、gyu、meiqhaeux gyaux dangzmeiq baenz hab bak bae.

Faenjsoemj Binhyangz raeuz cix mbouj niu, unq cix mbouj yungz, nyangq cix mbouj geng, soemj cix mbouj coeg, manh cix mbouj haenq, hom cix mbouj huj, byot cix mbouj roz, dwg gijgwn ndeigwn youq seizhah gaij hat gaij ndat、siu ndat ndaej liengz, daj ciuhgeq doxdaeuj couh mingz riuz ndawbiengz, haujlai vunz youh gyaez youh maij.

Bi 2010, gij dinfwngz guh faenjsoemj Binhyangz ndaej senj haeuj daihsam buek swcigih gaep feihvuzciz vwnzva yizcanj mingz- loeg.

Bi 2009, duenh hai Daengx Guek Daihseiq Gaiq Saujsu Minzcuz Conzdungj Dijyuz Yin- dungvei haenx, faenjsoemj Binh- yangz ndaej haeuj Namzningz diuzgai gijgwn iq haenx, baenz le gijgwn iq vunz dingh’aeu. Bi 1995 caeuq bi 2000, faenjsoemj Binhyangz laebdaeb ndaej heuh- guh “gijgwn iq maenhndei” caeuq “gijgwn iq mizmingz” Guengjsae. Faenjsoemj Binh- yangz hix daj cungj gijgwn iq cug mbaek ndaej haeuj gij ciujlaeuz fanden gauhdangj.